මගේ සිතිවිලි......සිංහල බ්ලොග් සටහන්

තිඹිරිගස්යාය්දී සැබෑවූ සයිබර් සිහිනය

2011-05-04T13:27:00.000-07:00

කලින් පෝස්ට් එකක් දාලා වැඩේට දෙන්න පුලුවන් සහයෝගය ලබා දීල මමත් 3න්වෙනිදා වෙනකන් බලන් හිටියේ සයිබරයේ හමුවන ‍සියලුදෙනා හැබෑවටම හමුවෙලා විනොදවෙලා එන්න.
මම එද්දිනම් හිතහිතන් ආවේ ‍ගේට්ටුව ගාව පෝලිමේ ඉඳල ඇතුලට යන්න වෙයි කියල මොකද 350ට වැඩි පිරිසක් එනවා කියල දාල තිබ්බනිසා. ඒත් එහෙම පෝලිමක් තිබ්බෙනම් නෑ. මම යද්දිත් වෙලාව උදේ 9.15ට විතර ඇති. කොහොම හරි වැප් මහත්තයයි කනිෂ්ක හෙන්නායක සොහොයුරයි මාව බොහොම උනුසුම් විදිහට පිලිගත්තා(පොඩි නයෙක් මොකද කනිෂ්කව අඳුනගෙන හිටියට වැප්වනම් එවෙලේ තවා ඉස්සෙල්ලාම අඳුනගත්තේ.)
මම ඇතුල්වෙද්දිනම් 50ක් 60ක් විතර ඇවිත් හිටියා. ඒ සංවිදායක මංඩලේ අයතමා. ආගන්තුකයනම් ගෑනුලමයි කට්ටියක් වටකරගෙන ‍බොහොම උනන්දුවෙන් පොල්තෙල් පහන හදනවා. තව අය බැලුම් බෝල එල්ලනවා .

මේවෙලාවෙ ඉතින් මාත් ඔය පොඩි පොඩි වැඩවලට සපෝට් එකක් දෙන ගමන් බස් එකේ සෙටවෙන කට්ටිය හඳුනගෙන කතාබහ කරන්නත් පුලුවන් උනා.

දෙයියනේ කියල උදේ 10 විතර වෙද්දි වැඩේ පටන්ගත්තා. මීටර් 100 දුවල තරග ටික ආරම්භ උනත් මමනම් ඉස්සෙල්ලා සෙට් උනේ බනිස් කන්න.

එකම අරමුණක්

අවුරුදු උත්සව වල බනිස් කාල අත්දෑකීම් තිබුනත් ජීවිතේ ඉස්සෙල්ලාම පාර තමයි සීනි බනිස් කෑවේ. කාල ඉවර වෙද්දි මූන පුරාම සීනි.

සීනි නාගෙන බනිස් කෑම

තරගනම් සෑහෙන්න තිබ්බා. මාත් 4කට විතර ඉදිරිපත් වුනා.හැම තරගයක්ම හොඳින් සංවිදානය කර තිබීමත් ජයග්‍රහකයන්ට එවෙලේම තෑගි දීපු එකත් අගයකරන්න ඕන.

කිවුවා වගෙම දවල්ට හොඳට කන්න බොන්නත් සපයල තිබ්බා. හැබැයි කියන්න දෙයක් තියනවා. වගකීමක් නැතුව කටයුතු කරපු විනොදෙට මේ සඳහා ලියාපදිංචි වුනු අය හින්දා කෑම පැකට් 70ක් 80ක් විතර අපතේ ගියා. මේක සිංහල බ්ලොග්කරුවන්ගේ සුහද හමුවේත් මම දැක්ක අමිහිරි දෙයක්. මේකාලේ කෑම පැකට් එකක් අහක දානව කියන්නේ බොහොම අපරාදයක්.

දවල් කෑමෙන් පස්සෙ තිබ්බ සයිබරයේ සිහින කුමරා කුමරි තරගයට 20ක් පමණ ඉදිරිපත්වෙලා හිටියත් චමිල නරඔන්නන් සඳහා සෑහෙන්න විනොදයක් ලබාදුන්න එක ගැනනම් කියන්නම ඕන.

ආ තවපොඩ්ඩෙන් අමතක වෙනවා.. ඒතමයි

ටිකට් කැඩීමට ගොස් වැපා දෙවනි වරට නා ගැනීම
පලවෙනි පාරට වැපා නාගත්ත එක දැන් හැමෝම දන්නවනේ. ආරධිත අමුත්තෙක් විදිහිට ආපු ඉන්ද්‍රනාත තේනුවර මහත්මයාට විකට් එකක් කඩන්න ගියපු එක.
දෙවනි අවස්තාවනම් දැක්කේ ටික දෙනයි.
ඒ තමයි අවුරුදු කුමාරි තරගය විනිශ්චය කරන්න ආපු විනිශ්ච කාරියට ටිකට් එකක් කඩන්න ගිය එක. විනිශ්චය කරන්න සුකුරත්තන් අක්කල දෙන්නෙක් ඇවිත් හිටියා(එක්කෙනයි විනිශ්චය මන්ඩලේ හිටියේ අනිත් කෙනා එය ලඟින් වාඩිවෙලා හිටියා.) ඔන්න ඔය අනිත් කෙනා ඇතුලට ආපුවාම වැප් මහත්තයා ටිකට් පොතකුත් උස්සගෙන එයාගාවට දුවලෙන ගියා. කණගාටුයි කියන්න ඒ අක්කා වැප් අයියාව ගනන්ගත්තෙ නෑ

වම් පැත්තෙ කොනේ ඉන්න කෙනාට තමයි ටිකට් කඩන්න ගියේ

හැමෝම දෙකට බෙදිල නියම කඔ ඇදිල්ලකුත් කරල ,කූටක අවුවේ දුවිල්ලේ නටල විනොදවෙලා වැඩේ බොහොම හොඳට අවසන් වුනා.
මරේනම් බොහොම උනන්දුවෙන් පරිසර හිතකාමී ක්‍රියාවලියට ලොකු දායකත්වයක් දුන්නා.

අන්තිමට ප්‍රගති සමාලෝවන රැස්වීමකුත් තියල වැඩේ සම්පූර්නයෙන් ඉවරවෙද්දි රෑ 8 පහුවුනා. මම 8ට විතර පිටත් වුනේ එතකොට දවසපුරා මහන්සි වුනු හින්දද කොහෙද අභීත අයියානම් පුටුපේලියක හොඳට වැටිල හිටියා.
කොහොම උනත් ආයිත් පාරක් මේක සංවිධානය කරපු හැමෝටම ගොඩක් ස්තූතියි. ලබන් අවුරුද්දෙත් මේවගේ සෙට්වෙමු....෴

සැබෑවූ සිහිනයක කොටස්කරුවෝ

පින්තූර ඉන්දරේගෙන් හා චමිලගෙන්

සයිබර් සැණකෙළිය

2011-03-17T08:42:00.000-07:00

මේ වෙනකොට ඉතින් හැමෝම දන්නවනේ මොක්ද මේ කර්තව්‍යය කියල. වැඩිවිස්තර දන්නේ නැති කෙනෙක් ඉන්නවනම් මෙතනින් ගිහිල්ලා බලාගන්න පුලුවන්.

මමත් ඉතින් ඔන්න පොඩි බැනර් එකක් හදල දැම්මා නොදන්න අය ඉන්නවනම් ඒ අයට මේක ගැන දැනගන්නත් එක්ක. ඉතින් එන්න පුලුවන් කමක් තියනවනම් නෑවිත් ඉන්න එපා. කොහොමහරි එදාට එන්න බලන්න. මොකද මේක තව පිනෙන් පිරුනු අරමුනකුත් පෙරදැඩි කරගෙන තමයි සංවිධානය වෙන්නේ. ඒ අපේ ඉලංදාරියා සනීපකරවන වැඩේට ආධාර ලබාගන්නත් එක්කයි.

එහෙනම් කට්ටියම එදාට සෙට්වෙමු හඳුනගම්මු. මතකයිනේ දවස අප්‍රේල් 3වෙනිදා.

මේ සඳහා වෙහෙස මහන්සිවී කටයුතු කරන අභීත, වැප් නිශාන්ත ඇතුලු පිරිසට මගේ ප්‍රණාමය......෴

කිණිහිරියා මල්

2011-02-21T12:05:00.000-08:00

කිණිහිරියා මල් චිත්‍රපටිය ගැන නම් මේ මං කියන්න යන්නේ. ඇත්තම කිණිහිරියා මල් ගැන.
අපිට මේ දවස් වල විස්ස විද්‍යලේ අන්තිම විභාගේ. ඉතින් විභාගේට කලින් පංසල් යන්න ඕන කියල මුතියංගනේ පංසලට ගියා. එහෙදි තමා මමත් ඉස්සෙල්ලාම ඇත්තටම කිණිහිරියා මල් දැක්කේ.

මුතියංගනේ පංසලේ අටවිසි බුදුරජාණන් වහන්සේලාගේ පිලිම තැන්පත් කරල තියනවා උන් වහන්සේලා පිටදී බුදුබව ලැබූ බෝධීන් වහන්සෙලාත් රෝපනය කරල.
සිද්ධත්ත බුදුරජාණන් වහන්සේ පිටදී බුදබවට පත්වුනු කිණිහිරියා බෝධියේ මල් තමයි මේ තියෙන්නේ.

පිංතූර වල කොලිටිය නම් අඩු ඇති මොකද ඡායාරූප ගත්තේ නොකියා 3120 ෆොන් කැමරාවෙන්

ප්‍රතික්ෂේප වුනු අපේක්ෂක ලයිස්තුවක හිටි හිටපු සභාපතිගේ දුක හිතෙන කතාව

2011-01-29T17:33:00.000-08:00

නොදකිං විතරක්,

අට පාස් නැති

නීතිඥයොයි

පක්ෂ ලේකම් හින්දයි

ගම නැඟුමෙන් ගම නඟල

මග නැඟුමෙන් මඟ නඟල

අඩි පාරත් කොන්ක්‍රීට් කරල

ගමේ තරුණයන්ගේ රැකියා ප්‍රශ්න විසඳල

ප්‍රදේශය සමෘධිමත් කරල

ජනතාව නඟාසිටවල

දිලිඳුබව තුරන් කරල

සහනාධාර දීල

ආසියාවේ ඓචර්යය කරන්න හිටිය

අපේ ප්‍රදේශීය සභාව

‍ලංකාවේ ඓචර්යය වත් කරන්නේ

කොහොමද දැන්....?

ගොඩ යන්ට

2011-01-28T08:25:00.000-08:00

කොල පාට තීන්ත ගාපු

බෝඩිං කාමරේ මං විතරක් තනියම

අනිත් එකා ගෙදර ගිහිං

ස්ටඩි ලීව් එකේ පාඩං කරන්නං කියල හිටියට

කරන මගුලකුත් නෑ

එලියට යන්න විදිහකුත් නෑ

කොහවත් ඇවිදින්නත් බෑ

දවස පුරාම වැස්ස

අව්වක් වැටෙන්නෙත් නෑ

සීතලත් එක්ක

මොන මගුලක්ද ඕයි

මටත් කම්මැලියි

හිතුනොත් මාත් ගෙදර යනවා

ගෙදර ගියොත්

උඹ හොඳට කකා

ටිවී බල බල

රස්තියාදු ගහ ගහ සැපට ඉඳියි

එතකොට උඔ

විභාගෙට ලියන්නේ

අහවල් එකද....?

ඉගනගන්න කාලේ දුකක් තමා

ඒක රහයි කියල හිතාන වැඩ කරපං

උඹට ගොඩ යන්න පුලුවන්....!!!!!

අපි නොදැන කරන සේවාවක්

2011-01-27T12:57:00.000-08:00

ගොඩක් වෙලාවට වෙබ් අඩවි වල රෙජිස්ටර් වෙන්න ගිහාම අපේ දත්ත සම්පුර්න කරල අවසන් කලාට පස්සේ

මෙන්න මේ විදිහට

අපබ්‍රංස විදිහට පෙන්නන වචන දෙකක් නියම ආකාරයට සඳහන් කරන්න කියල දක්වනවා. එහෙම කරන්නේ මේ ‍අදාල වෙබ් අඩවියේ රෙජිස්ටර් උනේ මනුෂ්‍යයෙක්ද කියල හරියටම දැනගන්නනේ.

ඒ කියන්නේ අමනුස්සයොත් වෙබ් අඩවි වල රෙජිස්ටර් වෙනවද..?

ඒකට උත්තරේ ඔවු කියන්න පුලුවන්. හැබැයි මේ කියන අමනුස්සයෝ අපිදන්න හොල්මන් අවතාර නෙමේ.

ඒවා විවිධ පරිගනක වැඩසටහන්, ‍බොට් එකක් එහෙම නැත්නම් බොට්නෙට් කියල හඳුනවන අන්තර් ජාලයේ තිබෙන නරක හානිදායක වැඩසටහන් වලට පුලුවන් ඉබේම රෙජිස්ටර් වෙලා මේවා ස්පෑම් කරන්න.

ඉතින් ඒක වලක්වන්න තමයි මෙහෙම දෙයත් පාවිච්චි වෙන්නේ.

ඔය කියන කාරනේ ඇරෙන්න ඉතා වැදගත් සේවාවකුත් මේකෙන් සිදුවෙනවා. ඒක තමයි පරන පොත් පත්තර ආදිය පරිගනක ගත කරන එක. හැබෑට ඒක කොහොමද වෙන්නේ...?

මෙන්න මෙහෙමයි

දවසකට මිලියන දෙසීයක් විතර පුද්ගලයන් සංඛ්‍යවක් මේ ප්‍රේහේලිකාව විසඳනවා . එක්කෙනෙකුට මේ වැඩේට තත්පර 10ක් ගියත් දවසකට මිනිස් පැය 150,000 විතර වැයවෙනවා. ඒක නිසා ඔබ හරියට හඳුනාගන්නා මේ වචන ස්කෑන් කරපු පරිගනකයට නිවැරදිව හඳුනා ගැනීමට අපහසු වචන නිවරදිව හඳුනාගන්න උදව් වෙනවා.

මේ විදිහට පරන නිව්යෝක් ටයිම් පත්තරේ වගේම ගූගල් බුක් වල ඇති පරන ස්කෑන් කරපු පොත් නිවැරදිව

පරිගනක ගත කරන්න අපි උදවු වෙලා තියනවා.

මේ ගැන වැඩි විස්තර වගේම මේක වැඩකරන හැටි දැනගන්න මෙතෙන්ට යන්න.

බදුල්ලෙන් ඉර බහින හැටි

2011-01-26T07:35:00.000-08:00

ඉර බහින හැටි ලස්සනට බලන්න ඔනේ නම් ඉතින් බටහිර වෙරල තීරයට යන්න ඕනනේ. ඒතකොට ක්ෂිතිජයෙන් ලස්සනට ඉර බහින හැටි බලන්න පුලුවන්.
ඒ වගේ නැතත් කඳු අතරින් ලස්සනට ඉර බැහැගෙන යනව බලන්නත් පුලුවන් බදුල්ලට ආවොත්.
ඒවගේ වෙලාවකට වලාකුලක් එතෙන්ට ආවහම මේවගේ ලස්සනට එලිය විහිදෙනවා.
මේ ඒවගේ වෙලාවක ගත්ත පින්තූර කීපයක්.

මේ ඡායාරූප වල කොලිටියනම් අඩු ඇති මොකද නොකියා 3110 හා නොකියා 3120 දුරකතන කැමරා වලින්

ගත්ත ඒව නිසා.

මීට කලින් ලියපු කැම්පස් එකේ ඉඳන් ඉර බහින හැටි ගත්ත ඡායා

දිඹුලාගල කන්ද උඩදි ඉර බහිනවා දැක්ක හැටි

ඉර පායන එකත් මෙහෙම ලස්සනට පේනව ඇති ඒක් හැමදාම මම නැගිටිද්දි ඉර පායල ඉවරයිනේ.

ඒත් එක සැරයක්නම් උදේ පාන්දර බස් එකේ බදුල්ලෙ ඉඳන් පස්සර පැත්තට යද්දි දැක්කා මාරම ලස්සනට

මීදුම අතරින් ඉර පායනවා.

මේ සිරිපාදේ මුදුනෙදි දැක්ක ඉර සේවය

බ්ලොග් සතියට මගේ බස් කතාව

2011-01-25T09:28:00.000-08:00

බස්කරුවන්ගේ මහා බ්ලොග් සතිය වෙනුවෙන් ලියවෙන දෙවනි බ්ලොග් සටහන පටන් ගන්නයි ඔන්න හදන්නේ.
ඇත්තටම මෙහෙම වැඩත් වත් පටන්ගත්තෙ නැත්නම් මමනම් මෙහෙම බ්ලොග් සටහන් 7ක් ලියන එකක් නෑ එකදිගට. ඒ හින්දා වැඩේ පටන්ගත්ත වැප්, මගේ මරණය ඇතුලු කස්ටියට ස්තූතිවන්ත වෙන්න ඕන.

හරි දැන් එමුකෝ මාතෘකාවට. සමහර අයටනම් තමන්ගේ වාහනයක යද්දි නින්ද ගියාට බස් වල යද්දිනම් නිනද යන්නේ නෑනේ.ඒකට තව සමයර අය නැග්ග වෙලේ ඉඳන් හිටගෙනත් එක්ක නිදි. හිටගෙන නිදාගත්තෙ නැතත් මටත්නම් බස්වල යද්දි දෙයියනේ කියල හොඳට නින්ද යනවා.
පොඩිකා‍ලේ ඉදන් හොස්ටල් එකේ හිටිය හින්ද මම ඉස්කොලෙ ගියෙනම් බස් එකේ නෙමේ. හැබැයි ඒ ලෙවල් කරද්දිනම් හොස්ටල් තිබ්බෙ නැති හින්ඳ ස්කූල් බස් එකේ තමා ගියේ. කෝක වෙතත් මම සාපේක්ෂව වැඩිපුර දුරගමන් යන බස්වල ඉස්කොලෙ කාලේ ඉඳන් ගිය හින්දද කොහෙද බස් එකේ හොඳට නිනද යනවා.
කොළඔ ඉඳන් පැය දෙකක් දෙක හමාරක ගමනක් ගෙදරට තියනවා. ඕක උනත් නිදා ගත්තෙ නෑත්නම් බහිද්දි මාර මහන්සියක් තියෙන්නේ. සමහර වෙලාවට ඉස්කෝලෙ ඉඳන් පිටකොටුවට එන ටිකටත් මම නිදි.

බස් එකේ යද්දි නිදා ගැනීමේ වටිනාකම වැඩියෙන්ම දැනුනේ බදුල්ලෙ යන්න පටන්ගත්තහම. කඩි කැඩි බස් කීපයක ගියත් පැය 7ක
විතර ගමනක්.මතක් වෙද්දිත් එපා වෙනවා. ගමනේ අමාරුම හරිය තමා නුවර ඉඳන් බදුල්ලට යන එක. ඒකට පැය 4ක් විතර යනවා වගේම හිමීට වංගු වංගු අරගෙන කඳු නැග නැග යනකොට හොඳටම හෙම්බත් වෙලා ඉන්නේ.අනික ගමනෙන් බාගයක් දුර විතර පාරත් සවුත්තුයි. නින්ද හියේ නැත්නම් බදුල්ලෙන් බහිද්දි මැරිල වගේ තමා. ඉයර්ෆෝන් දෙකත් කනේ ගහගෙන සිංදුවක් අහ අහ යන හින්දා නිකම්ම නින්ද යනවා. මගදි තේ බොන්න නවත්තද්දි තමා ඇහැරෙන්නේ. ඊටපස්සේ ආපහු ඉතින් සෑහෙන වෙලාවකට නින්ද යන්නෙ නෑ. කොහොම උනත් පැය 4න් පැය 3ක් වත් නිදාගෙන තමා යන්නේ මමනම්.

ඔය නින්ද හිනදා එක පාරක් නම් මරැ වැඩත් වෙලා තියනවා. එතකොට ඔය ඒ ලෙවල් කරන කාලේ. දවසක් හවස 6ට හය හමාරට විතර මම පිට‍කාටුවෙන් කුලියාපිටිය බස් එකට නැග්ගා ගෙදර එන්න කියල. ගෙදරට යන්න කුලියාපිටියට කලින් බස් එකෙන් බහින්න ඕන. ඒත් එදා හවස් වෙලත් තිබ්බ හින්ද හොඳට නිදා ලෙන ආවේ. මට ඇහැරෙනකොට කුලියාපිටියට බස් එක ඇවිත්
වෙලාවත් රෑ 8.30ට විතර ඇති. මේ වෙලාවට කුලියාපිටියේ ඉඳන් ගෙදරට යන්න බසුත් නෑ. ඔය කාලේ මං ගාව ෆෝන් එකකුත් නෑ. මොකද කරන්නේ කියල හිත හිත බස් ස්ටෑන්ඩ් එකට එනකොට මෙන්න බොලේ ගෙදර යන්න බස් එකක් තිබුනා.
මම ගෙදර ආවේ පොසොන් පෝය දවස්වල. කුලියාපිටියේ ටවුන් එකේ තොරන් ගහල හෙන වැඩ ‍ගොඩයි. ඒක හින්ද රෑත් අමතර බස් දාල තිබ්බා. නැත්නම් හොඳකට්ටක් තමා කන්න වෙන්නේ.

නිර්වචනයක් නැති කියාගන්න බැරි අපේ හැඟීම්

2011-01-24T22:53:00.000-08:00

අපි හැමෝටම දැනෙන ඒත කටවත් කියාගන්න බැරි තව කෙනෙකුට තේරුම් කරන්න බැරි සමහර වෙලාවට අපිටවත් තේරුම් ගන්න බැරි වෙන් දුක සතුට වේදනාව වෙන්වීම මිතුරුකම ආදී අපේ හැඟීම් සමහර වෙලාවට එක පිංතූරයකින් බොහොම පැහැදිලිව කියන්න පුලුවන්.

ඒවගේ වචන දාහකින් සමහර විට දහදාහකින් වත් කියාගන්න බැරි දේවල් මෙන්න මේවගේ එක පිංතූරයකින් සමහර විට පෙන්නන්න පුලුවන්.

ආදරය
සමහර වෙලාවට මටනම් ආදරය ගැන හ‍ඟෙන දැනෙන දේවල් පිංතූරයකින් වත් පෙන්නන්න බෑ ඒක ඒ තරම්ම අමතු දෙයක්. ඒ වගේම ඇත්තටම අපි කෙනෙකුට ආදරය කරනවනම් මේ ‍ෆොටෝ එකේ වගේ සීමාවක් අබල දුබල කමක් ඒකට බලපාන්නේ නෑ.

වේදනාව

අපි ආදරය කරන අපේ ලඟින්ම හිටපු කෙනෙක් අපෙන් වෙන් වුනාම අපිට දැනෙන වේදනවෙ වචන වලින් කියන්න පුලුවන්ද?

දුක

දුක කඳුල නම් කෙසේ වචනයකින් කියන්නද?

කරුනාව/දයාව

යුධ බිමේ අවිදරා සිටිනා සෙබලෙකුත් තමාගේ මනුෂ්‍යත්වයේ හැඟීම් පෙන්වන කරුනාව වචන කීයකින් විග්‍රහ කල හැකිද?

නික්මයාම

අපි හැමෝටම නික්මයාම පොදුයි. ඒත් ......

අහිංසකකම

පුංචි කෙලි පොඩ්ඩගේ හිනාව දෝර ගලන සංතෝසේ. අව්‍යජ අහිංසක සොඳුරුබව....

ගෞරවය/ආචාරය

අපිත් එක්ක හිටපු අපි වෙනුවෙන් කැපකිරීම් කරපු සමහර විට ජීවිතය පවා පුද කරපු කෙනෙක් වෙනුවෙන් අපේ හිතේ උපදින ගෞරවය.....

යාලුකම

ලොකු පොඩි, උස් මිටි බේද නැති හැබෑ යාලුකම.......

හොඳම යාලුවා

මාත් එක්ක හැමදාමත් දුකේදීත් සැපේදීත්...

ඕන් මාත් ගියා...!!

2010-12-19T19:24:00.000-08:00

මුල් වතාවෙ යන්න බැරි උනත් මේ වතාවෙනම් කොහොමහරි යනව කියල හිතගෙන උන්නු හින්ද අද තිබ්බ සිංහල බ්ලොග් කරුවන්ගේ සංගමයේ සුහද හමුවට මාත් ගියා. වැඩේට යන්න කලින් එන කට්ටියගෙන් අඳුරන් කෙනෙකුට හිටියේ කුෂාන් අයියා විතරයි. එක හින්දා සිංහලෙන් බ්ලොග් ලියන කට්ටිය මොනවගේද කියල බලාගන්නත එක්ක තමාගියේ.
මම යනකොට 8.30ට විතර ඇති. වැඩේ පටන් අරන් නැගල යනව ඇති කියල හිත හිත එතනට යනකොට සූ ගාල 10ක් විතර කට්ටිය බිල්ඩිමේ ඇතුල් වෙනතැනම ආලින්දයේ වාඩිවෙලා හිටියා.
ටික වෙලාවක් යද්දි කාලිංග එහෙම ඇවිත කට්ටියට උඩට යන්න කතා කොලා. ආ.. එතන කොලයක් තිබ්බනේ එන කට්ටියගේ නම් ලිස්ට් එක දාල. එකේ ගොඩක් නම් වෙනුවට තිබ්බේ කොටු. සිංහලෙන් දාපු නම් නෑ.

චෙක් වන් ටෙස්ටින්

පස්සේ ඒක හරිගස්සලා තිබ්බ මයේ හිතේ. ඕන් කොහොමෙන් කොහොමෙන් හරි උඩට ගියා කියමුකො. එතනත් ඉතින් පටන් ගන්න විනඩි විස්සක් විතර චෙක් වන් ටෙස්ටින් වන් කොර කොර හිටයා. ඒ වෙලේ ඉතින් ඇවිත් හිටය කස්ටිය එක්ක කතාකරල දැන හඳුන ගන්න ලැබුනා.
මම වාඩිවෙලා හිටියෙත මාර තැනක තමා ඉස්සරහින් හිටියේ මාරය, පිටිපස්සෙන් හිටියේ මුචලින්ද. මාරයගෙනම් කිසි මාර පාට් එකක් තිබ්බෙ නෑ.

ඊට පස්සෙ ඔන්න සිංදුවක් කියන්න ගිහින් කුෂාන් අය්යායි තිස්ස අය්යායි (මාමා වෙන්න ඕනා) මයික් එකට ෆයිට් එකක් දුන්න. පස්සේ වෙන එක්කෙනෙක් සිංදුව කිව්වා..

මලින්තනම් මගුල් ගෙදරකට ගියා වගේ ආපු වෙලේ ඉඳන් දිගට හරහට ෆොටෝ ගගහ හිටියේ.
පස්සෙ සිංහල ෆොන්ට් ගැන ටිකක් බර කතාවක් ගියා. මමත් අහගෙන හිටියට වැඩිය මුකුත් තෙරුනේ නම් නෑ. මේ වෙනකොටනම් මටත් සෑහෙන්න බඩිගිනි වෙල තිබුනේ. කට්ටිය කෑමත් ලෑස්ති කොරලා. ඇතුල් වෙද්දි කෑම ගන්න පොඩි කූපන් එකක් දුන්නට කෑම ගොඩක් තිබ්බ නිසා කට්ටියට දෙක දෙක කන්න කියල කාලිංග අය්යා කිය කිය ගියා. මමනම් ඉතින් එකයි කෑවේ.

හෙට පෝය හින්දද කොහෙද උම්බලකඩ කෑල්ලක් වත් බත් එකේ තිබ්බේ නෑ.

කන්න ගිහිල්ලත කට්ටිය එක්ක ටොක්ස් ටිකක් දාන්න සෙට් උනා. ලිශාන්ගේ බ්ලොග් රෝල ලියන් ලිශ්විශ් හා මුචලින්ද එක්ක සෑහෙන්න ෆිට් එකෙන් කතාකරන්න හම්බවුනා.
ඊට පස්සෙ ඉතින් මමත් එන්න ආවා.දුර යන්නත් එපැයි. ලබන පාරත් මෙහෙම එකක් තිබ්බොත් යන්නත් අදහසක් ඇතිව.

ආ.. තව අමතකවෙච්චි සීන් එකත් තියනවනේ. microsoft එකේ කස්ටිය තැන වෙන්කොරගන්ට එන අයගේ නම් ලිස්ට් එකක් බිල්ඩිමේ ආරක්ෂක අංශයට දීලා. නම් ලිස්ට් එක බැලුවහම කස්ටිය පොඩි බකට් එකක් පෙරලලා. මොකද එන යගේ නම් ලිස්ට් එකේ තිබිල තියන නම් දිහා බලලා. මෙකට එන්න ඉඳල තියෙන්නේ අමුතු කස්ටියක්නේ.. මාරය , මුචලින්ද, අන්තිමයා, පුරුපුරු....

හෙම්බිරිස්සාවට බෙහෙත්

2010-12-01T06:50:00.000-08:00

මේ දවස්වල හො‍‍ඳටම වහිනවනේ. ඉතින් මාවත් දෙතුන් පාරක් වැස්සට අහුවුනා මොකද කුඩයක් තිබ්බත් තෙමෙන තරමට හයියෙන් වහිනවනෙ. ඉතින් සිතූ පරිදිම ඕන් මේ කරුම ලෙඩේ හැදුනා. මොනා කරන්නද ඉතින් මේ දවස් වල තියන වැඩ රාජකාරි නිසාත් තාවකාලිකව හරි සමනය කරගන්න ඕන වුනු නිසාත්, නිකන් දෙන නිසාත් (විස්ව විද්‍යලයේ බෙ‍හෙත් සාලාවෙන්) බෙහෙත් ගත්තා.
මම සාමාන්‍යයෙන් හෙම්බිරිස්සාව හැදුනහම බෙහෙත් ගන්නෑ. හොඳට වාෂ්ප අල්ලලා නිකන්ම හොඳවෙන්න දෙනවා. මොක්ද ඔය දෙන බෙහෙත් වලට වෙන්නේ හෙම්බිරිස්සාව වේලෙන එකයි. හිතූ පරිදිම ලැබුනේ
පැරසිටමෝල්,

සිට්ට්‍රසීන්, (රෑට පෙත්තක් බිවුවහම උදේටත් එක්ක අමාරුයි)

ඇමොක්සිලින්.

ගෙදර හිටියනම් ලොවෙත් තාත්තා කෑගහනවා ඔය බෙහෙත් වලට.
තාත්තා කියනනේ කොත්තමල්ලි පස්පංගුව පැකට් එකක් ගෙනත් පාවට්ටා ‍කොලත් දාල හොඳට වාෂ්ප අල්ලලා දෙතුන් දවසක් බොන්න කියලා. හැබැයි ඉතින් කිවුවත් වගේ ලෙඩෙත් හොඳ වෙනවා සෑහෙන කාලෙකට හැදන්නෙත් නෑ.

කොත්තමල්ලි පස්පංගුව බොද්දි කෑලි බෑලි පේන්න තියන පැකට් ගන්න.

සමහන් වලින් නම් මට කිසිම සහනයක් ලැබිලා නෑ.

පිංතූරය

මහදැන මුත්තා ඕනෑකර තිබේ

2010-10-22T12:48:00.000-07:00

සමූහ ඡායාරූපයක්. මෙත්නින් ගත්තෙ

කට්ටියම දන්නවනෙ මහදැන මුත්තා මුට්ටියේ ඔලුව හිරකගත්ත එලුවගෙ ඔලුව බේර ගත්ත හැටි. අර ගමරාලගේ එලුව මුට්ටියක ඔලුව දාගෙන ඌව බෙරගන්න ඇතා පිට ඇවිත් ගෙට්ටුවෙන් එන්න බැරිහින්දා තාප්පෙත් කඩාගෙන් ඇවිත් එලුවගෙ බෙල්ල කපල මුට්ටිය බිඳල එලුවගෙ ඔලුව අරගත්තනෙ.

හැබැයි මෙසැරේනම් එලුවෙක් නෙමේ බල්ලෙක් තමා ඔලුව හිරකරගෙන තියෙන්නෙ.ඌ මුට්ටියකත් නෙමෙ ඔලුව දාගෙන තියෙන්නෙ. ඉතින් බිඳල ගන්න විදිහකුත් නෑ.
බලන්නකො අය්යලා ටික ඌව බෙරගත්ත හැටි......

මේ අය්යලා අපේ මුත්තා තරම දක්ශ නෑ වගේ නේ..

කාලෙකින්...

2010-09-27T10:44:00.000-07:00

මාසෙකින් විතර මොකක් හරි ලියන්න ගත්තේ. ලියන්න ආසවෙන් උන්නත ලියයුනේ නෑ. කම්මැලිකමද වෙලාවක් නැති කමද මන් දන්නෙ නෑ.
මොනද දැන් ලියන්නේ.. මේ දවස් ටිකෙනම් බදුල්ලට වැස්ස මීදුමත් තියනවා.ජීවිතේ ගැන ගොඩක් අත්දැකීම් ලැබුවා.. මගේ වගේම මගේ යාලුවන්ගෙනුත්....

ලියන්න දේවල් හිතෙන්නෙ නැති එකේ සිංදුවක් වත් ලියනව.
මේක මම ආස සිංදුවක්... අමරසිරි පීරිස්ගේ ආසම සිංදුවලින් එකක්

හන්තානට පායන හද
ලස්සනයිද කියන්න
මා නොදකින ඒ පුර හද
ඔබට හෑකිය දකින්න....

අදුරු වලා වහිනා කල
සරසවි බිම තෙමෙන්න
කුඩේ යටින් ඔබ යන කල
එපා තනිය දෑනෙන්න.....

ලතා මඩුලු අත වනාවී
එපා අහක බලන්න
මා ගෑන මතකය ගුලි කර
මහවෑලියට දමන්න.....

හන්තානට පායන හද...

youtube link
http://www.youtube.com/watch?v=_LdAQYN6ZS8

තව පොඩි පොඩි වැඩ වගයක් කරගෙන යනවා. ඒව ගැන හිමීට කියන්නම්කෝ.

තරු වලට වඩා ඔබේ වීරත්වය අපිට ආඩම්බරයකි.

2010-08-16T02:30:00.000-07:00

තරු දුන්නේ උන්ය.
ඒ ඔබ ඉල්ලූ නිසානම් නොවන බව අපි දනිමු.
ඉතින් ඒ තරු උන්ම ගත්තාවේ. සමහර විට ඒවට උන් ගොඩක් ආසා ඇති. ඒ ඔබේ කරමත පැලඳිනිසාය.
ඔබ මව් බිමට ණය නැති පුතෙකි. සතලිස් වසරක් තම රට වෙනුවෙන් ලේ දහඩිය හෙලූ ඔබගේ වීරත්වය තරු වලින් මැනිය හැක්කක් නොවේ.
සදාකල් ඔබ මගේ හදවතේ වීරයෙකි.

“මිනිසෙකු විනාශ කළ හැකිය. එහෙත් ඔහු පරාජය කළ නොහැකිය”

මෙ දවස්වල TV එකෙ හැමදාම යන ටෙලිනාට්‍ය වල අගමුල තේරෙන කෙනෙක් ඉන්නවද..?

2010-08-05T10:50:00.000-07:00

සෑහෙන කාලෙකින්නෙ ගෙදර ආවේ. එක හින්ඳා ගෙදරම තමයි ඉන්න කල්පනාව.
ඉතින් මේ ගැටලුව ඇති උනේ හවස TV බලන්න ගත්තට පස්සෙ තමයි.
නිවුස් හා මැච් එකක් ඇරෙන්න කැම්පස් එකේ ඉද්දි TV බැලෙන්නෙ නැතිතරම්.
මට තියන ලොකුම ගැටලුව තමයි මේ නාට්‍ය වල අගමුල පිලිවෙල තෝරගන්න එක. මම බලන්නෙනම් නෑ. හැබැයි බැලෙනව මොකද සමහර වෙලාවට බලන්න වෙනමුකුත් නෑනේ.
හවස 7 ඉඳන් රෑ 10 වෙනකන් අයිටීඑන්, සිරස, ස්වර්ණවාහිනී, දෙරණ,
හැම එකේම එකම බ්ලොක් එකේ නාට්‍ය සෙට් එකක් යන්නෙ.
හැම එකටම තියෙන්නෙ ගෑනු ලමයින්ගෙ නම්. ටික වෙලාවක් බලද්දි තේරෙනවා නට්‍යය එක තැන කැරකැවෙනවා කියලා.
හැම එකේම කොල්ලෙකුයි කෙල්ලෙකුයි ඉන්නවා එක්කො දෙන්නගෙ ගෙවල් වලින් ප්‍රශ්න නැත්නම් තව මොකක් හරි අප්සෙට් එකක්. හැමදාම ගියත් හැමදාමත් තියෙන්නෙ එකම දේ.
ඔක්කොම ගොන් දෙපැය වගේ.
ALවලින් පස්සෙ කැම්පස් යාමත් එක්ක නාට්‍ය විතරක් නෙමෙ ට්ව් බලන එකත් සෑහෙන්න නැවතුනා.
නාට්‍ය බලන එකනම් සම්පූර්නයෙන්ම නැවතුනා. ඒකනම් ගොඩක් සතුටු වෙන්න පුලුවන් කාරනයක් කියල හිතෙනවා.
අන්තිමට දිගටම බැලුවෙ ඉසුරු යෝගය, එකනම් එකපාරක් නෙමේ දහ පාරක් උනත් ආපහු බලන්න ආසයි.
එහෙම බලන්න පුලුවන්
අකාල සන්ධ්‍යා
දඬුබස්නාමානය
ඉංගංමාරුව
දිය කැට පහන
සකිසඳ එලියස්
එතුමා
තව එව තියනව දැන් එකපාරටම නම මතක් වෙන්නෑ.
මටනම් මේවගේ අගමුල ගලපගන්න ඔනේ නෑ. ඒත් ඔය හැම එකම බලන අයට මේවා තෙරෙනවද දන්නෑ..

වසරක් පසු කළෙමි..

2010-05-20T03:26:00.000-07:00

ඔන්න මගේ පුන්චි බ්ලොග් අඩවියට අදට වසරක් සම්පූර්ණයි. අවුරුද්දක් ගියත් තාම චූටි පැටියා.
ඉතින් මේ වෙලාවේ විශේෂයෙන් මතක් කරන්න ඕන කීපදෙනෙක් ඉන්නවා.
මුලින්ම කියන්න ඕන ප්‍රසාන් සර් ව. සර් තමයි තමන්ගේ කියලා බ්ලොග් එකක් පටන් ගන්න කියල මග පෙන්නුවේ.

මගේ බ්ලොග් එක බලන්න ආපු නාපු ප්‍රතිචාර දක්වපු එකී මෙකී නොකී හැමදෙනාටම ගොඩක් ස්තූති.
අවුරුද්දක කාලයක ලියපු දේවල්නම් ගොඩක් මදි කියලා තමයි හිතෙන්නෙ. කමක් නෑ. ඉස්සරහට පුලුවන් තරම් ලියන්න උත්සාහ කරනවා...

මේ දවස්වල අසනීපවෙලා ඇඳේම තමයි හිටියේ. අද තමයි ටිකක් හරි නැගිටලා ඉන්නේ.

හැමෝටම ජයෙන් ජයම වේවා..!

ලොකුම ඩිජිටල් ඡායාරූපය..

2010-05-10T21:16:00.000-07:00

අපි ඉතින් කැමරාවකින් ගන්නෙ මෙගා පික්සල් ඡායාරූපනේ. .
මේක ගිගා පික්සල් එකක්. ගිගා ෆික්සල් ඡායාරූප ඇවිල්ලනම් දැන් ටිකක් කල් වෙනවා. ගොඩක් ජනප්‍රිය උනේ බැරක් ඔබමා දිවුරුම් දෙන වෙලාවේ අරන් තියන වෙලාවෙ ගත්ත ඡායාරූයනේ.
ගිගා පික්සල් ඡායාරූප එක්කෙනෙක් එක කැමරාවකින් ගන්න පුලුවන් එකක් නෙමේ.
කැමරා කිහිපයකින් ස්වයංක්‍රීයව හරි ගොඩක් අය එකතුවෙලා හරි ගත්ත ඡායාරූප ගොඩක් එකතු කරල තමයි මේක හදන්නේ.
ගිගා පික්සල් ඡායාරූප ගැන මෙතනින් දැනගන්න.

මාතෘකාවට ආවොත් මේ තියෙන්නෙ මම කියන ඡායාරූපය. ඩුබායි නගරයේ ඡායාරූපයක්. මේක ගිගා පික්සල් 45ක් .

හොඳට zoom කරලා බලන්න ඔනෙනම්.

තව ටික කාලයක් යද්දි මීට වඩා ලොකු ඡායාරූප තියෙයි..

තව ගිගා පික්සල් චායාරූප බලන්න ඕනෙනම්....

National Geographic best pictures of the year

2010-04-22T00:25:00.000-07:00

මට ආපු ඊ මේල් එකකින් තමයි උපුටා ගත්තේ. කට්ටිය එක්ක බෙදා හදා ගන්න ඕන කියල හිතුන හින්දා..

මෙ.. මෙ... මම ඔයාට මල් කිනිත්තක් ගෙනාවා....

මේ එකෙක්වත් අහුවෙන්නෙ නෑනේ......

රටා රටා රූ රටා...

චව්ව්ව්ව්.................

ඉර බැස යන හැන්දෑවක ඔයත් එක්ක ගං තෙර සිඳ මුමුනන්නට පෙම් වදනක්...

උම්ම්ම්ම්ම්ම්ම්ම්ම්ම් මා........

සීතලයි නේද මෙයා...

මේ මැස්සෙක් මගෙ නහයේ වහලා...

ඔන්න මමත් පැන්නා .. ඇමති කමක් හම්බෙයි නේද..?

කට්ටිය නෑගම් යන්වද..?

දිගට දිගේ ආදරය....

සීමාවක් නැති ආදරේ අහස තරම්...

හුරේ ..!!! ජය වේවා ......!!!!

මගේ චීටා දරුවෝ ටික...

Opportunity Cost

2010-04-21T02:04:00.000-07:00

සියළු තීරණ ගැනීම්
පිටුපස ආවස්ථික පිරිවැයක්
ඇති නමුත්,
ආදරය පිටුපස
ආවස්ථික පිරිවැයක් නොමැති
වන්නේ,
එය නොමිල භාණ්ඩයක්
වන නිසා නොව,
ආදරයකට ඒ ආදරය හැර
වෙන කිසිදු විකල්පයක්
නොමැති නිසාවෙන්.............!

ප්‍රදීප් සත්සර.

ප.ලි.

ප්‍රදීප් සත්සර හා ගිහාන් සසංක යනු අපේ හොස්ටල් එකේ ඉන්න එකේ මගෙ මිතුරන් දෙදෙනෙකි.
මචං අපිට බ්ලොග් ලියන්න වෙලාවක් නෑ,
ඒක හින්දා උඹ කැමතිනම් ලියපු කවි වගයක් තියනව උඹේ බ්ලොග් එකේ දාපන් කියා මගෙන් ඉල්ලීමක් කලා.
ඉතින් මමත් තීරනය කලා මගේ සිතුවිලි වලින් මගේ මිතුරන්ගේ සිතිවිලි වලටත් ඉඩ ලබා දීමට.....

-වෙනස-

2010-03-31T23:30:00.000-07:00

පෙම් බඳින තුරු හදේ

හිත නාපු කවි වදන්

විරහවේ කඳුලු ලඟ

ගලා එන අපූරුව........!

ගිහාන් සසoක දසනායක

උවමනාවෙයි කියල හිතෙන වෙබ් අඩවි කිහිපයක්...

2010-03-26T01:03:00.000-07:00

කට්ටියට උවමනාවෙයි කියල හිතෙන වෙබ් අඩවි කිහිපයක් තමයි අද කියන්න යන්නෙ. හැබැයි මේවා ගොඩක් වෙබ් අඩවි නිර්මානය, ග්‍රැෆික් නිර්මාන කරන අයට තමයි ...
ආ.. ඒ ගැන උනන්දුවෙන් ඉන්න අයටත් එක්කයි..

1.) Joomla Template Builder

ජූම්ලා වලින් වැඩ කරන අයට ඔන්ලයින්ම ටෙම්ප්ලෙට් හදාගන්න..

2.) java script photo slide shows

ජවා ස්ක්‍රිප්ට් වැඩ ටිකක් තියෙන්නේ. ස්යිට් එකේ Adon ටැබ් එකට් ගිහින් බලන්න. ගොඩක් ස්ලයිඩ් ශෝ තියනව.

3.) Adobe Photoshop plugins Free..

සෑහෙන්න ප්ලගින්ස් තියනවා. නිකන් දෙන ඒවා.

4.) Creative JQuery works..

අපූරු වැඩ ටිකක්. demo එකකුත් තියන්වා. ඔක්කොම සෝස් ෆයිල්ස් ටිකත් දෙනවා.

5.) High Resolution Photoshop Brushes

හොඳ brush ටිකක්. brush විතරක් නෙමේ තවත් vectors, tutorials වගේ දේවලුත් තියනවා.

6.) Free Flash Templates

මෙතන Free Flash Templates විතරක් නෙමේ Flash Web Gallery හා Free CSS Templates වගේ දේවලුත් තියනවා.

7.) Premium textures

Premium textures කියන වචන දෙකට වෙබ් අඩවි දෙකක් ලින්ක් කරල තියෙන්නේ. දෙකේම හොඳ textures නිකන් දෙනවා.

8.) Logo Design Resources

Logo Design කරන අයට වගේම Logo Design ගැන දැනගන්න ඕන අයටත් එක්ක.

9.) For Graphic lovers

කියල වැඩක් නෑ. එලකිරි තැනක්. ගොඩක් දේවල් තියනවා ග්‍රැෆික් ඩිසයින් කරන අයට. ගොඩක් දේවල් නිකන් බාගන්න පුලුවන්.

10.) Good Photoshop tutorials

ආධුනික කෙනෙකුට හොඳ tutorials ටිකක්.

අදට ඇති වගේ ආයිත් දවසක මෙහෙම ටිකක් දාන්නම්කෝ...

තවත් e-bay කතාවක්

2010-03-22T00:03:00.000-07:00

මම කලින් කිව්වනේ e-bay එකෙන් මුලින්ම බඩුවක් ( ear phone එකක්) ගත්ත කතාව.
කියෙව්වේ නැත්නම් මෙතනින් කියවලා බලන්නකෝ. දැන් කියන්නෙ තවත් ගත්ත දෙයක් ගැන,
ඉතින් මේක ගන්න ගිහින් ලැබුනු අත් දැකීම e-bay එකෙන් මොනවාහරි ගන්න හිතන් ඉන්න කෙනෙක්ට වැදගත් වෙයි කියල මම හිතනවා.
මම ගත්තෙ නම් PS2- USB converter එකක්, ගාන රුපියල් වලින් කිව්වෙත් 180ක් විතර.මේක ගත්තේ ඇයි කියලා මම අන්තිමට කියන්නම්කෝ. ආ.. මේකට සල්ලි ගෙවපු විදිහත් මගේ කලින් e-bay ගැන ලියපු ලිපියේ ඇති.

මම මේක ඕඩර් කලේ ජනවාරි මාසේ දෙවනි නැත්නම් තෙවනි සතියේ විතර මට හරියටම මතක නෑ. නමුත් පෙබරවාරි මාසෙ 3වන සතිය වෙනකොටත් මේක ආවෙ නෑ. කලින් එකනම් දවස් 10කටත් අඩුවෙන් ආවනේ.
ඉතින් මම e mail එකක් දැම්මා තවම මට ලැබුනේ නෑ කියලා.
එන්න ඕන නම් හොංකොං වලින්. e mail එකට මට reply
එකක් ආව අලුත් අවුරුදු සුභ පැතුම් ආදිය ඉක්මනින් යවන්න අවශ්‍ය නිසා මේක එන්න
මාර්තු මුල සතිය වෙයි ඒත් ආවෙ නැත්නම් නැවත දන්වන්න කියලා.
මාර්තු මුල සතිය පහුවෙද්දිත් ආවෙ නැති නිසා මම ආපහු e mail එකක් දැම්මා.
එතකොට කියලා තිබ්බා මේක සමහර විට තාම හොංකොං වල ඇති ඒක හින්දා ගෙවපු මුදල නැවත ගිණුමට දමන්නම් කියලා.
කිව්වා වගේම දවස් 3,4ක් යද්දි මුදල් නැවත ගිනුමට දාල තිබ්බා. හැබැයි ඊට දවස් දෙකකට විතර පස්සේ මේක ආවා.
ඉතින් මම ආයෙ සල්ලි ගෙව්වා.

ඔන්න ඕකයි කතාව. ඔයගො‍ල්ලොත් ඕඩර් කරපු දෙයක් එන්න පමා උනොත් e mail එකක් දාල පොඩ්ඩක් බලන්න.

ආ.. මම මේක ගත්ත හේතුව කිව්වෙ නෑනෙ. මේක ගත්තෙ සිංහලෙන් ලියන්න තමයි.
කොටින්ම කිව්වොත් සිංහලෙන් බ්ලෙග් ලියන්න තමයි. මම මෙච්චරකල් සිංහල යුනිකෝඩ් වලින් ලියන්න බාවිතා කලේ UCSC එකේ real time Sinhala Unicode converter එක.අපේ ගෙදර තිබ්බා සිංහල දෙමල අකුරු print කරලා තියන key board එකක් ඒක මම අර‍ගෙන ආව.
හැබැයි ඒක PS2 එකක්. ඉතින මගේ ලැප්ටෙප් එකේ PS2 port එකක් නැති නිසා තමයි මේක ගත්තෙ.මම බදුල්ලෙ හොයලා බැලුවත් මෙහෙම එකක් ගන්න තිබිබෙ නෑ. ඉතින් ලේසිම තැන තමයි e-bay.
ඔන්න අද ලිපිය තමයි real time Sinhala Unicode converter එක නැතුව කෙලින්ම සිංහල
key board එක පාවිච්චි කරල ලියන්නේ. අකුරු print කරලා තිබුනත් පුරුදු නැති නිසා වෙනදට ටඩා ගොඩාක් වෙලා ගියා මේක ලියන්න. අකුර අකුර බලබල ගහන හින්දත් කලින් පුරුද්දට සිංහල අකුරු ශබ්දයට type කරද්දි වරදින හින්දත්.
ඉතින් ටික දවසක් යද්දි වැඩේ හරියයි වගේම ඉක්මනට සිංහල type කරන්න පුලුවන් වෙයි කියල හිතනවා.

එහෙනම් අදට ඉවරයි. මේක කියවද්දි හිතුන දේවල් ලියලා යන්නත් අමතක කරන්න එපා...

පුංචි ලෝකාන්තය බලන්නට ගියෙමි. ගිහින් තියනවද..?

2010-03-09T20:06:00.000-08:00

අපි කැම්පස් එකේ විවෙකයක් තියන සෙනසුරාදා ඉරිදා දවස් වලට කට්ටිය සෙට්වෙලා කොහේ හරි ලඟපාත තියන
ලස්සන තැන් බලන්න යනවා.අපි ගිය තැන්ගැන කිව්වොත්
දුන්හිඳ, දියලුම, බඹරකන්ද දියඇල්ල, රාවනා ඇල්ල, නමුනුකුල, දඹේතැන්න,
බෝගොඩ පාලම, දියතලාව, හපුතලේ, මහියංගනය, ඇඩිසම් බංගලාව, ලිප්ටන් සීට්, බ්ලැක් පූල්,
රොක් හිල් හා හරියට නම් නොදන්න කඳු, සමහර තැන් මේ වෙලාවෙ එකපාරට මතක් වෙන්නෑ.

අද කියන්න යන්නෙ ගිය සතියෙ ගිය තැනක් ගැන.
හැමෝම අහල ඇතිනේ ලෝකාන්තය ගැන හෝර්ටන් තැන්නෙ තියන.
ඒත් මේ කියන්න යන්නෙ ඒක ගැන නෙමේ.මේ පුංචි ලෝකාන්තය ඒක තියෙන්න පස්සර මඩොල්සිම.
හරියටම කිව්වොත් බදුල්ලෙ ඉඳන් කිලෝමීටර 61 දුරින් තව කිව්වොත් පස්සර ඉඳනුත් කිලෝමීටර 42
දුරින් madolsima වතුයායේ කොනක තියන තැනක් ගැන.

මෙතනට යනපාර ගැන කිව්වොත් බදුල්ලෙ ඉඳන් පස්සර පාරේ පස්සරට ගිහින් පස්සරින් හැරිලා මඩොල්සිම පාරෙ
මඩොල්සිමට ගිහින් එතනිනුත් හැරිලා පිටමාරුවට යන පාරේ සෑහෙන්න දුර (කිලොමීටර් 20ක් විතර )යන්න ඕන.
මඩොල්සිම ඉඳන් නම් පාරක් නෑ කිව්වත් හරි මොකද තියන් පාර හොඳටම අබලන්.
ඉඳලා හිටලා තැනක තාර ටිකක් තියනවා.

අපිනම් ගියෙ බස් එකේ. පිටමාරුවට බදුල්ලෙ ඉඳන් දවසකට බස් 2 යනවා. අපි ගියේ උදේ 7.30ට විතර තියන බස් එකේ.

අපේ ගිය කට්ටිය.

පස්සර ඉඳන් ගොඩක් දුර යනකන් නමුණුකුල කඳු වැටිය හොඳට පේනවා.
නමුණුකුල කඳු පන්තිය

මේ හරියෙ දිගටම තියෙන්නෙ තේ වතු හා වතු ජනාවාස. සිංහල ගම් නම් හම්බෙනවා අඩුයි.
මගදි දකින්න පුලුවන් madolsima වතුයායේ අයිති කාබනික තේ වගාවකුත්.
කාබනික ගොවිතැන ගැන අහල තිබුනට කාබනික තේ වගාව ගැන අහල තියනවද ?
විශේෂත්වය තමයි මේකට යොදන්නෙ තනිකරම කාබනික පොහොර වගේම වල් පැල ඉවත්කිරීමකුත් සිදුවෙන්නෙ නෑ.
මමත් මේක ගැන හරියට දන්නෙ නෑ හැබැයි ඔයගොල්ලන්ට ලංකාවෙදි නම කාබනික තේ මිලදීගන්න ලැබෙන්නෙ නෑ මොකද
මේවා සම්පූර්ණයෙන් අපනයනයට තමයි නිපදවන්නෙ.

කාබනික තේ වගාව

ආ.. මගදි දකින්න පුලුවන් තව විශේෂ දෙයක් තියනවා ඒ තමයි DS ගල.මේක දිහා ඈත ඉඳන් බැලුවහම
පේන්නෙ D.S.සේනානායක මහතා වගෙයි. මූන රැවුල නහය ගොඩක් ඒවගේම තියනව.

DS ගල.චායාරූපය ගත්තෙ බස් එකේ යනගමන්.

බස් එකෙන් බැහැලා කිලොමීටරයක් විතර දුර පයින් යන්න ඕනා.මේ හරියෙ යද්දි පරිසරය හැමතිස්සෙම වෙනස් වෙනවා.
අපි යද්දි තද මීදුමක් තිබුනා ටික වෙලාවකින් තදට පායන්න ගත්තා.හිමිහිට හිමිහිට පයින් යද්දි ඔන්න අපේ ගමනාන්තයට ලඟා උනා.

මෙතනින් ඉස්සරහට යද්දි දකුණු පැත්තෙ තියනවා තද හෙලක් මීටර් 300ක් විතර යටට තියන.
එතන පලල ගල් දෙබොක්කාවක් වගේ තැනක්.හරියට හුම්මනය වගේ යට ඉඳන් එන මීදුම දෙපැත්තෙ ගල් දෙකේ වැදිලා වේගයෙන් උඩට එනවා.
හිටගෙන එතනින් පහල බලන්න බෑ.බිම දිගාවෙලා තමයි බලන්න ඕනා.

එතනිනුත් තව ටිකක් ඉස්සරහට යද්දි තමයි පුංචි ලෝකාන්තය හමබවෙන්නෙ.
මෙතන බිම හදල තියනවා වටේට තියන පලාත් පෙන්වන බෝඩ් එකක්.

වටේට මහනුවර,මහියංගනය,බිබිල,අම්පාර,මඩකලපුව,මොනරාගල,පස්සර, බදුල්ල ආදී ප්‍රදේශ තියන බව සඳහන් උනත් හරියට පේන්නෙනෑ.
ඈත වැවක්නම් පේනවා සේනානායක සමුද්‍රය පේනබව තිබුනත් හරියම මොකද්ද කියන්න බෑ.

තව පොඩි කඳු ගැටයක් තියනවා ටිකක් එහායින්.

අපි එතනටත් නැගලා ටිකක් වෙලා ඉඳලා ආපහු පහලට බැස්සා.මොකද එක බස් එකයි තියෙන්නෙ ආපහු යන්න.
ඒක 1.30ට විතර කලින් බැහැපු තැනට එනවා.අපි පහලට ඇවිත් ගිය බස් එකේම ආපහු ආවා.

මේක බොහොම සුන්දර මතක සටහනක් තමයි මටනම්.
ඒ මතකය හැමෝම එක්ක බෙදා හදා ගන්න තමයි මේ සටහන ලිව්වේ.
අන්තිමට කියන්න තියෙන්නෙ මේ වගේ තැනකට ඔයගොල්ලොත් යනවනම්
එක දෙයක් විතරක් තියලා එක දෙයක් විතරක් අරන් එන්න.
ඒ පියසටහන් පමනක් ඉතුරුකරලා චායාරූප එහෙම නැත්නම් සුන්දර මතකය විතරක් අරන් එන්න.........

පින්න මල්

2010-03-04T20:31:00.000-08:00

නටුවෙන් ගිලිහුනු පින්න මලක් සුලඟට පාව ඇවිත්......
පින්නන පිපෙන රෑ යමේ එන්නදෝ සොයා...
පින්න මලේ සුද ඇන්න ගිහිල්ලද මූණ පුරා පෙම් පිරිලා....

පින්න මල සම්බන්ද සිංදු ගැන නෙමේ අද ලියන්න හදන්නේ ඒත් මෙ සිංදු ටික මතක් උනේ පින්න මල් දැකලා.
ඉතින් පින්න මල දැකල නැති අයට බලාගන්නත් එක්ක දැකපු පින්න මල්වල පිංතූර කිහිපයක් දාන්න හිතුනා.

දෙයියො දුන්න firefox

2010-02-28T21:25:00.000-08:00

කවුද firefox හැදුවේ ..?
ඒලියන්ස් ලද.?
මේ බලන්නකො අහසෙ තියන දේ..

අහසේ firefox ලෝගෝ එක හදල වගෙද පෙන්නේ ?. කිසි විශේෂ අමුතු දෙයක් නෙමේ වගෙනේ පෙන්නේ..
මේක බලන්නකෝ...

මේ චායරූපය අරගෙන තියෙන්නෙ හබල් අභ්‍යවකාශ දුරේක්ශයෙන් 2004 පෙබරවාරි 8 වෙනිදා.
V838 කියන නීහාරිකාවේ (V838 Monocerotis) පිපිරීම් දාමයකින් පසුයි.
පිපිරීමේ තවත් චායාරූප හා විස්තර දැනගන්න ඕනෙනම් විකිපිඩියාවෙ තියන විස්තරය මෙතනින් බලන්න.

ඔයගොල්ලොත් firfox නම් පාවිච්චි කරන්නේ ටිකක් ආඩම්බර වෙන්න...

සිංදු චිත්‍රපට මුදෘකාංග පොත් පත් බාගන්න මෙන්න තැන

2010-02-23T21:24:00.000-08:00

මමයි තව යාලුවෝ කිහිපදෙනෙකුයි එකතු වෙලා තමයි මේ site එක කරන්නේ.අපි ගාව තියන සිංදු චිත්‍රපට මුදෘකාංග පොත් පත් බෙදා හදා ගැනීමෙ අරමුනින් තමයි මෙ site එක පටන් ගත්තේ.

මේක තමයි තැන.
www.dl4sl.com

කට්ටිය ගිහින් බලන්න. හොඳ නරක වැරදි අඩුපාඩු කියන්න.
ඔයගොල්ලන්ට ඕනකරන චිත්‍රපට මුදෘකාංග පොත් පත් ආදිය තියනවනම් කියන්න.විශේෂයෙන් පොත් පත් (e books)
පරිගණක විශයන්ට අදාල එවා විතරක් නෙමේ
biology
chemistry
medicine
physics
electronics
robotics
agriculture
mathematics

ආදී ගොඩක් විශයන් ගැන පොත් දෙන්න පුලුවන්
ඒ විතරක් නෙමේ ඉංග්‍රීසි සිංදු ....
ගොඩක් වෙලාවට බාගන්න දෙන්නෙ hotfile.com වලින් තමයි.

ඔත්තුකරුවන් හතරවටෙම

2010-02-21T22:09:00.000-08:00

ප්‍රවේසම් වන්න ඔත්තුකරුවන් ඔබ අසල ගැවසෙයි. ඔවුන්ගේ උකුසු කැමරා ඇස් ඔබ වෙත් යොමු වී ඇත,
හොඳින් බලන්න
අවදානය යොමු කරන්න.

එයි අම්මා විගසකිනේ

2010-02-17T03:54:00.000-08:00

අතට වෙරලු ඇහිඳ ගෙනේ

ඉනට පලා නෙලා ගෙනේ

බරටම දර කඩා ගෙනේ
එයි අම්මා විගසකිනේ

දියතලාව දුම්රිය ස්ථානය ආසන්නයේ ගත්ත චායාරූපයක්

xpට 7 ඇන්දුවෙමි

2010-02-13T20:37:00.000-08:00

මගේ පරිගණකයේ මෙහෙයුම පද්දති දෙකක් ක්‍රියත්මක වෙනවා.
ඒ උබුන්ටු 9.04 හා SP3.
ඉතින් මම වින්ඩෝස් xpට වින්ඩෝස් 7 තීම් එකක් දැම්මා.
ඒක හොඳට වැඩකලා පරිගණකය slow උනෙත් නෑ.
මෙ බලන්න වින්ඩෝස් 7 වගේම තියනවා. වින්ඩෝස් 7 ෆොන්ට් එකත් එක්ක.

පෙර

පසු

මම මේක හොයගත්තෙ මෙන්න මෙතනින්.මේක install කරන හැටි බොහොම පැහැදිලිව එතන තියනව.

තිර සටහන්

ටාස්ක් බාර් එක

ඔයගොල්ලොත් දාලම බලන්න. හැබැයි xp SP2 හා SP3 වලට පමනයි තියෙන්නෙ.

අපූරු පින්තූර ටිකක්

2010-02-10T20:53:00.000-08:00

මට ආපු ඊ මේල් එකකින් උපුටා ගත්තේ. හිනා යන නියම පින්තූර ටිකක්....

ස්ක්‍රින් ප්‍රින්ට් එකක් මෙහෙමත් ගන්න පුලුවන්

මවුස් එකන් තේ හදමු

refresh කරල බලන්න.

එපා කියල තියන දේ මයි කරන්නේ..

හොඳ වැඩක්

2010-02-08T21:04:00.000-08:00

පොදු මගී ප්‍රවාහන සේවාවේ (දුම්රිය, බස් සේවාවේ)
මෙතෙක් කල් ආසන වෙන්කර තිබෙනු මා දැක ඇත්තේ පූජ්‍ය පක්ෂයට,
ආබාදිත අයට හා ගැබිනි මවුවරුන්න්ට පමණි.
නමුත් ලඟදී දිනෙක මා ගමන් කල බදුල්ල - 3කනුව බස් රථයක තවත් පිරිසක් සඳහා ආසන වෙන්කොට තිබිණි.
ඒ රණවිරුවන්ට හා පොලිස් නිලධාරී මහතුන් වෙනුවෙනි.
අප සැම වෙනුවෙන් මිලකල නොහැකි සේවාවක් ඉටුකරන ඔවුන් වෙනුවෙන් එසේ කරතිබීම පැසසිය යුත්තකි.
මෙය බස් රථයේ අයිතිකරුවන් විසින් උවමනාවෙන්ම කල දෙයක් බව හැඟුනේ එම වෙන්කරන ලද බව
සඳහන් ස්ටිකරය ඔවුන් උවමනාවෙන් සාදා ඇලවූවක් බව පෙනෙන බැවිණි.

photoshop brushes

2010-02-06T03:16:00.000-08:00

photoshop වලින් වැඩ කරන අයට තමයි මේ ඔත්තුව. හොඳ brushes තියන වෙබ් අඩවි කිහිපයක්.
ගිහින් බලන්න. සෑහෙන්න හොඳ brushes නිකන් බාගන්න පුලුවන්.

http://www.brushking.eu/Photoshop-Brushes.html

http://www.psbrushes.net/index.php

http://www.brusheezy.com/brushes

http://www.noupe.com/photoshop/1000-free-high-resolution-photoshop-brush-sets.html

මේ වගෙ හොඳ vector brushes එහෙම තියනව.

මම GIMP වැඩිය පාවිච්චි කරන්නෙ නෑ. ඒක නිසා GIMP පාවිච්චි කරන කෙනෙක් මට කියනවද GIMP වල මේ brush කෙරුවාව photoshop තරම් හොඳට කරන්න පුලුවන්ද කියල ?

අසරණ කොමසාරිස්

2010-02-02T21:49:00.000-08:00

මැතිවරණ කොමසාරිස් දයානන්ද දිශානායක මහතා ඉදිරි මැතිවරනයටත් තම සේවාව ලබාදීමට තීරණය කර ඇත.
එනිසා තම දිවියේ සැඳැ කාලය එතුමාට විවේක සුවයෙන් ගතකිරීමට තවමත් ඉඩ නොලැබෙනු ඇත.
පසුගිය ජනාධිපතිවරණය අවසානයේ පෙර මැතිවරණ අවසාන වලදී සේම ඔහු පැවසුවේ තමාට විශ්‍රම ගැනීමට අවශ්‍ය බවයි.
දැන් ඔහුට තවත් ආත්තියකට මුහුනදීමට සිදුවී ඇත.
මේ පිලිබඳ මගේ කණගාටුව...

චායාරූපය.

owner died

2010-02-01T19:54:00.001-08:00

owner died

හා හා .. කලබල වෙන්න එපා. කවුරුත් මැරිලා නෑ. මේක error එකක්.කාගෙද .? මගෙනම් නෙමේ.එහෙනම් කාගෙද?
මේක 'C' programming language එකේ තියන error එකක්.
මේ 'C' programming language වල තියන වැරැද්දක් ගැන නෙමේ කියන්න යන්නේ.
coding කරද්දි අපිට දෙන්න පුලුවන් errors.
C වල මේ විදිහට අපිට errors 131 දෙන්න පුලුවන්.ඉතින් මෙ 130 වෙනි error එක තමයි කියන්නෙ.
මේ error එක දාල තියන හේතුවනම් මම දන්නෙ නෑ.
ඔයගොල්ලන්ටත් C වල error list එක බලන්න ඔනෙනම් මේ programme එක run කරලා බලන්න.

#include

#include

main()
{

int i;

for(i=0;i<133;i++)

{

printf("error no %d is %s\n",i,strerror(i));

}

}

මේ බලන්න.

පොඩි නිවාඩුවක්

2010-01-22T01:36:00.000-08:00

අපේ exam එක අද ඉවර උනා. ඉතින් පොඩි නිවඩුවක් ලැබුනා. දැන ඉතින් බ්ලොග් ලියන්න පුලුවන්.හෙට මම ගෙදර යනව.මාසෙකට විතර පස්සෙ ගෙදර යන්නේ. ගිහින් හොඳට කන්න ඕනේ.

හි.හි.හික්........

මීදුමෙන් වැසී...

2010-01-04T00:42:00.000-08:00

මේ දවස්වල බදුල්ලට වැස්ස හැමදාම. නොවැම්බර් අග ඉඳන් තාමත් මීදුම තියනව. අපේ කැම්පස් එක තියෙන්න බදුල්ල නගරයෙන් ටිකක් ඉහල කන්දක. ඉතින් ටිකක් (සමහර වෙලාවට ගොඩක් ) සීතලයි. ඉතින් මෙ වැස්ස මීදුම වෙලාවෙ ගත්ත චායාරූප කිහිපයක් තමයි මේ..

මේ චායාරූප වල අවට සුදු පාටට පේන්නෙ මීදුම.සමහර වෙලවට මුලු කැම්පස් එකම මීදුමෙන් වැහිල යනව.

බ්ලොග් එකට hit counter එකක් එකතු කරගමු.

2010-01-02T23:23:00.000-08:00

ඇත්තටම මම වගේ ආධුනික බිලොග් ලියන්නෙකුට හරි බ්ලොග් එකක් පටන්ගන්න යන කෙනෙකුට හරි hit counter එකක් හදගන්න පුලුවන් ලේසි විදිහක් තමයි කියන්න යන්නේ. තමන්ගෙ බ්ලොග් බලපු ගණන දැනගන්න පුලුවන් විදිහක තමයි මේක.
හැබැයි මම කියන්න යන්නේ blogger වලදි මෙක යොදාගන්න අන්දමයි.
මේකට අන්තර් ජාලයේ සොයා බැලුවානම් ගොඩක් ක්‍රම සොයගන්න පුලුවන්. මම කියන්න යන්නේ එවගේ ඒක ලේසි ක්‍රමයක් තමයි.

මම ගත්තේ මෙන්න මෙතනින් නොමිලේ දෙන hit counter එකක්.

මේ වෙබ් අඩවියට ගියාට පස්සේ තමන්ට කැමති ආකරයේ hit counters තොරගන්න තියනවා.

ඒ වගෙන් තමන්ට කැමති එකක් තොරගන්න.

ඊට පස්සෙ තමන්ගෙ අවශ්‍යය ආකාරයට මේක සකස ගන්න.
දැන්යටින්ම තියන create my hit counter කියන එක ක්ලික් කරන්න.

දැන් ඔබගේ hit counter එක සෑදිලා ඉවරයි. දැන් මේ තියන HTML code එක කොපි කරගන්න.

දැන් ඔබේ බ්ලොග් අඩවියෙ customize එකට යන්න.
එතනින් අලුත් gadget එකක් ඇඩ් කරන්න.

දැන් කියන එක තොරාගන්න.

දැන් එතනට කලින් කොපි කරගත්ත කෝඩ් එක පේස්ට් කරන්න.

දැන් හරි .
මෙන්න මම හදපු එක

මම දැන් කිව්වෙ ඉතාම සරල විදිහට hit counter එකක් සාදාගන්නා අන්දමයි. ඔබට php/htlm/java script වෙබ් බාසාවන් ගැන දැනීමක් තියනවනම් ඔබේම එකක් සාදාගන්නත් පුලුවන්....

අලුත් අවුරුද්දේ...

2010-01-02T23:15:00.000-08:00

2010 අවුරුද්දට තබන පලමු බ්ලොග් සටහන තමයි මේ. දවස් 4ක් විතර පහුවුනත් හැමෝටම සුබ අලුත් අවුරුද්දක් වේවා කියල ප්‍රර්ථනා කරනවා.

මේ දවස් වල අපිට කැම්පස් එකේ විභාග පැවැත්වෙනව. ඉතින් බ්ලොග් එකක් ලියන්න තියා කියවන්නවත් වෙලවක් නෑ.
ඒ කොහොම උනත් ලැබුනු පොඩි විවෙකයකින් තමයි මේ සටහන තබන්න හිතුනේ.
බ්ලොග් එකක් ලියන්න ගොඩක් කල් ඉඳන් ආසාවක් තිබ්බත් SBU දැකල තමයි මේක පටන් ගත්තේ.
ඒක නිසා මම ප්‍රාර්ථනා කරන්නේ මේ 2010 අවුරුද්දේ සිංහල බ්ලොග්කරනයට තවත් අය එක්වේවා හා සිංහල Unicode භාවිතය මෙන්ම සිංහලෙන් තියන වෙබ් පිටු ගණන තවත් වැඩිවේවා යන්නයි...

ඉතින් මේ අවුරුද්ද සියලු දෙනාටම සාර්ථක වසරක් වේවා...!

මගේ ear phone කථාව

2009-12-21T04:53:00.001-08:00

E-Bay

ඔන්න මමත් e-bay එකෙන් පළවෙනි වතාවට පොඩි බඩුවක් ගත්තා.පොඩි බඩුවක් කිව්වෙ පොඩි ear phone එකක්. e-bay එකේ කරක් ගහල බඩුවල ගනන් බලලා තිබ්බට කවදවත් මුකුත් අරගෙන තිබ්බෙ නෑ. මෙකට ඉතින් හේතුව උනේ ගන්න ක්‍රමයක්, ක්‍රෙඩිට්කාඩ් එක්ක තිබ්බ නැති එක. නමුත් ලඟදි අපේ යාලුවෙක් සම්පත් බැංකුවෙ WEB කාඩ් එකක් අරන් තිබ්බා. ඔහුගේ උදව්වෙන් ඉතින් මමත් මේ ear phone එක ඔඩර් කලා දවස් 6න් ගෙදරට ආවා.

මෙ තියෙන්නෙ ear phone එක.

මෙකෙ ගාන උනේ රුපියල් 172ක්. (දුප්පත් මගේ සාක්කුවට හරියන ගානට ) සද්දෙනම් හොඳයි. මොනා උනත් මට හිතෙනව ගත්ත ගානට වටිනව කියල. හෙඩ් ෆෝන් එකක් නොගත්තෙ මගෙ ලැප් ටොප් බෑග් එකේ ඉඩ නැති හින්ඳා.

පිටකොටුව

මෙච්චර කල් මං ලඟ තිබ්බෙ පිටකොටුවෙ පේමන්ට් එකන්, හරියටම කියනවනම් ස්ටේෂන් එක ඉස්සරහ තියන පාර මාරුවෙන්න තියන ගුවන් පාලම ලඟින් රුපියල් 20කට ගත්ත ear phone එකක්.

මේ තියෙන්නෙ ඒක. ඇත්තටම රුපියල් 20යි.

මේකෙ සද්දෙ ඉතින් ටිකක් අඩුයි. එත් හොඳට ඇහෙනව. මම ear phone එක ගොඩක පාවිච්චි කරන්නෙ ෆිල්ම් එකක් බලන්න. අපි ඉතින් බලන්න ගොඩක් .avi, .rmvb, .mkv ෆෝමැට් ෆිල්ම් හින්දා රුපියල් 20ස්සෙ එකත් ඇති.

ඔන්න ඕක තමයි මගෙ ear phone කථාව. මේක කාටවත් වැඩක් නැති කථවක් කියල මම දන්නව, ඒත් මට හිතුන හින්ද මම ලිව්වා. තේරුමක් නැති මගේ ear phone කථාව අවසානයි. කියවූ ඔබ සැමට ස්තූතියි.....

කාටවත් තව මුකුත් කියන්න තියනවද ....?

දේශපාලනය හා ක්‍රිකට් ක්‍රීඩාව අතර වෙනස්කම්

2009-12-14T19:57:00.000-08:00

මේ බ්ලොග් සටහන ලියනුයේ දේශපාලනය ගැන කථාකිරීමට නොව මේ දිනවල නිතර ක්‍රිකට් ක්‍රිඩාව හා දේශපාලනය සමාන කරමින් කට්ටිය කථා කියන බැවිණි. . පසුගිය දිනක
ස්වර්ණවාහිනීයේ live @ 8 මේ දෙකෙහි සමානකම් ගැන කථා කල නිසා මට වෙනස්කම් සොයන්නට සිත් විය.

වෙනස්කම්

1. ක්‍රිකට් ක්‍රිඩාවේදී පරාජයට පත්වූ කණ්ඩායමේ ක්‍රීඩකයන්ට ජයග්‍රනය කල කණ්ඩයමට එකතු විය නොහැක.
නමුත් දේශපාලනයේදී පරජය වූ කණ්ඩායමේ සියලුම දෙනාට උවද ජයග්‍රනය කල කණ්ඩායමට එකතු විය හැක.

2. ක්‍රිකට් ක්‍රිඩාවේදී චියර් කරන්නට පැමිණෙන්නන් මුදල් ගෙවා ටිකට් පතක් මිලදී ගත යුතුය.
නමුත් දේශපාලනයේදී චියර් කරන්නට පැමිණෙන්නන් හට මුදල් ලබාදෙන අතර කෑමද ලැබේ.

3. දේශපාලනයේදී නිපන්දු(හොර ඡන්ද ) යෑවීමෙන් කැප්ටන් ගෙන් ප්‍රශංසා ලැබේ.
නමුත් ක්‍රිකට් ක්‍රිඩාවේදී නිපන්දු යෑවීමෙන් කැප්ටන් ගෙන් බැනුම් ඇසීමට සිදුවේ.

4. දේශපාලනයේදී වේගයෙන් කෑගසන්නන් අවසානයේදී වේදිකවට ගොඩවෙන අතර
නමුත් ක්‍රිකට් ක්‍රිඩාවේදී වේගයෙන් පන්දුවට පහරදෙන්නන් මුලින්ම පිටියට පැමිනේ.

5. ක්‍රිකට් ක්‍රිඩාවේදී කන්ඩායම තොරගන්නේ නායකයා, කළමනාකරු හා පුහුණුකරු එකතුවෙනි.
නමුත් දේශපාලනයෙදී කැප්ටන් අවශ්‍යය කණ්ඩයම තෝරාගනී.

මේ වෙනස්කම් මට හිතෙන පරිදිය.මීට වඩා හොඳ වෙනස්කම් තිබිය හැක.

හැන්දෑව එක්ක

2009-12-07T00:28:00.000-08:00

මේකත් හැන්දෑ වරුවක ඉර බහින දර්ශනයක තමයි. මේ චයාරූප මම අරගත්තෙ අපේ කැම්පස් එකේ ඉඳන්.ඈත පේනා කඳු වැටියට ඔබ්බෙන් ඉර බැහැගෙන යන වෙලවක තමයි ගත්තේ.

මේ ඉන්නෙ මම.

CS 4 extended තාම හම්බුනේ නැත්නම්

2009-11-19T04:18:00.000-08:00

මෙන්න බාගන්න . දන්න අයටයි, නොදන්න අයටයි, ඉගෙනගන්න කැමති අයටයි හැමෝටම.
hotfile තමයි දෙන්න

http://hotfile.com/dl/16992684/7c828cb/pics.of.friends4.Viper3773.www.theviperfiles.com.part1.rar.html
http://hotfile.com/dl/16992870/fc4ef1f/pics.of.friends4.Viper3773.www.theviperfiles.com.part2.rar.html
http://hotfile.com/dl/16993117/d817359/pics.of.friends4.Viper3773.www.theviperfiles.com.part3.rar.html
http://hotfile.com/dl/16993327/6b2732e/pics.of.friends4.Viper3773.www.theviperfiles.com.part4.rar.html
http://hotfile.com/dl/16993585/511a1fa/pics.of.friends4.Viper3773.www.theviperfiles.com.part5.rar.html
http://hotfile.com/dl/16993751/a85cacb/pics.of.friends4.Viper3773.www.theviperfiles.com.part6.rar.html

මතක් කරල ඔක්කොම බාගන්න. කෑලි 6ක් තියනව.

මෙන්න Keygen + Crack:
http://hotfile.com/dl/16993783/ce9c18a/idk4kc.Viper3773.www.theviperfiles.com.rar.html
www.theviperfiles.com

දිඹුලගල හැන්දෑවක ඉර බහිනා ලස්සන...

2009-11-15T23:13:00.001-08:00

දිඹුලගල , මහියංගනේ ඉඳන් පොලොන්නරුවට යනකොට ඈතට ලස්සනට පේන පුංචි කඳු ගැටය....

ආකාස චෛත්‍යය

ඉර බහිනා හැන්දෑව

ඈත ක්ෂිතිජයෙන් ඉර බැහැගෙන යන මේ වෙලවේ ඇත්තටම දිඹුලාගල හරි ලස්සනයි.

super ubuntu..9.04 .... සුපිරි උබුන්ටු...

2009-11-15T22:06:00.000-08:00

මට හම්බවුන සුපිරි උබුන්ටු බාගත කරන්න පුලුවන් ලින්ක් එකක්..
එකේ මෙන්න මේ පහසුකම් තියනව..
linux.softpedia.com එකේ තිබිල තමයි මට සෙට් උනේ..

* Adobe Reader
* aMule
* aMSN
* Autopackage
* Brasero
* compizconfig-settings-manager (to configure the settings of Compiz and the desktop effects)
* EnvyNG (command line version)
* Firefox
* Furius ISO Mount
* GParted
* GIMP
* gufw (GUI for uncomplicated firewall)
* MPlayer (media player)
* NDISwrapper and ndisgtk
* OpenOffice.org 3
* Opera
* padevchooser (the graphical interface for PulseAudio)
* RealPlayer 11
* SFS Technology
* Smart Package Manager
* Skype
* StartUp-Manager
* Mozilla Thunderbird
* ubuntu-restricted-extras (Java runtime environment, codecs, MP3 support, support for DVD-video, flash player...)
* Ubuntu Tweak
* VLC Media Player
* Wine
* Wine-Doors
* Zero Install

http://hacktolive.linuxfreedom.com/ මෙතනින් බාගත කරන්න පුලුවන්..
අන්තර්ජාල පහසුකම් නැතිව උබුන්ටු බාවිතා කරන කෙනෙකුට මේක ගොඩක් හොඳයි.

බතලේගල

2009-11-08T22:44:00.000-08:00

බතලේගල , අහල නැති කෙනෙක් නෑනෙ. නුවර කොළඹ පාරේ ගිහින් තියනවනම් අනිවර්යයෙන්ම දැකල ඇති.
මෙ තියන චායාරූප මම ගත්තෙ නුවර ඉඳන් කොළඹ්ට දුම් රියෙන් යද්දි ගත්ත ඒව.

මගෙ nokia 3110 clasic ,ෆෝන් එකෙ 1.3 Mpixal කැමරවෙන් ගත්තෙ.

සොර බොර වැව ලඟ

2009-11-08T21:56:00.000-08:00

හැමෝම අහල ඇතිනෙ සොර බොර වැව ගැන. මහියංගනය කිට්ටුව තියෙන්නෙ.බුලතා යෝධය නේ හදල තියෙන්නෙ. මම ගොඩක් විස්තර දන්නැ. මම ගිය ලස්සන තැනක්.

තවත් විශේෂ දෙයක් තමයි සොරොව්ව. මේක ස්වාභවිකව පෑලුනු ගලකින් හදල තියෙන්නෙ.

වෙනස

2009-11-03T20:30:00.000-08:00

මේක මට ආපු email එකකින් උපුට ගත්ත එකක්. කාලෝචිතයි..

TRADITIONAL ECONOMICS
You have two cows. You sell one and buy a bull.
Your herd multiplies and the economy grows.
You retire on the income.

INDIAN ECONOMICS
You have two cows.
You sell one to overcome debts.
You worship the other.

PAKISTAN ECONOMICS
You donâ€™t have any cows.
You claim that the Indian cows belong to you.

AMERICAN ECONOMICS
You have two cows.
You sell one and force the other to produce the milk of four cows.
You profess surprise when the cow drops dead.

BRITISH ECONOMICS
You have two cows.
They are both mad cows.

ITALIAN ECONOMICS
You have two cows.
You don't know where they are.
You break for lunch.

CHINESE ECONOMICS
You have two cows.
You have 300 people milking them.
You claim full employment, high bovine productivity and arrest anyone reporting the actual numbers.

MIDDLE & FAR EAST ECONOMICS
You have two cows.
You give permission to US & British to make military bases & protect the cows.
They kill & eat the cows & return only the bones, saying it was a
mistake & promise to give two F16 fighter jets in return!

SRI LANKAN ECONOMICS
You have two cows.
You exchange them for two Bulls.
You make one the President and the other the Leader of the Opposition!
and they eat the country instead of eating grass.. !!

portable විදිහට වැඩ කරමු

2009-10-16T04:51:00.000-07:00

ගොඩක් වැඩසටහන් portable විදිහට තියනව.

e පොත පත

2009-10-16T04:33:00.000-07:00

e පොත පත ගොඩක් පොත් තියන වෙබ් අඩවියක්. නම 51cnnet .
ගොඩක් computer science පොත් තමයි.programming.

ජින්තුවාගේ මනෝ ලෝකය.....

2009-05-20T21:40:00.001-07:00

අපේ ජින්තුවා හිත හොඳ කොල්ලෙක්....අවුලකට තියෙන්න සැර වැඩි එක (කටේ ) හිමිට කිව්වත් ගමටම ඇහෙනව...
රස කතානම් අඩුවක් නෑ
ඉස්සරහට බලමු...ලෑස්ති වෙලා ඉන්න...